【囤積誤解😲：收藏 🆚 囤積】 考下大家，成日聽到嘅「收藏」同「囤積」，究竟有咩分別呢🧐❓係咪係好聽啲就「收藏」⭕，冇咁好聽就「囤積」❌囉？ 有人會話自己係鍾意「收藏」💁🏼♀️；有人又唔會願意承認自己有「囤積」習慣🙅🏻，其實兩者係有咩唔同先？ 兩者最重點嘅分別並唔係係屋企嘅物品數量📦，而係呢啲物品對於我地生活嘅舒適度有冇造成妨礙⛔，有冇令我地屋企淪為倉庫🏠。 我地整理咗幾樣「收藏 🆚 囤積」嘅重點比較，大家都即刻睇圖初步測試一下到底自己係「收藏」定係「囤積」‼️ #收藏 #囤積 #世人對囤積誤解太多 #囤積誤解 #簡約生活 #簡生活 #sliving

【每日只要10分鐘，🔟個步驟輕鬆整理屋企 (下)】 上次提到頭5個步驟，唔知大家有冇試下跟住黎開始整理自己屋企🏠呢？ 如果大家有開始整理嘅話，應該都會覺得每日只係用10分鐘⏱️唔會太難嘅，爭在睇下大家有冇恆心去每日整理少少！今次我地就介紹埋另外5️⃣個步驟，等大家可以更完整咁了解到點樣可以輕輕鬆鬆執整自己嘅居住環境🧹🪣！ 6️⃣ 決定整理手法 7️⃣ 切勿猶豫不決 8️⃣ 迅速作業 9️⃣ 邀請親友參與 🔟 學會享受整理的過程 有咗呢🔟個步驟，希望大家都可以一邊執屋嘅同時，都可以享受到整理屋企嘅過程😎☕，繼而望住自己嘅屋企由混亂嘅狀態慢慢變番做乾淨、簡潔🤩，相信大家都一定可以感受到成功感。係一個整齊企理嘅居住環境生活🏠✨，真係人都可以開心啲嫁，大家仲唔快啲Take action整理自己屋企啦！💝 #執屋 #整理屋企 #每日執下屋 #唔使好多時間 #10分鐘就夠 #10個步驟 #簡約嘅生活環境 #簡約生活 #簡生活 #sliving 參考資料來源：健康遠見

【每日只要10分鐘，🔟個步驟輕鬆整理屋企 (上)】 次次講起執屋都覺得心好攰🥵、覺得要用好多時間？的起心肝想執，但係又無從入手🤷🏼♂🤷🏻♀？ 其實執屋唔難，只要識得個方法同步驟，加埋有恆心💪🏼keep住每日花10分鐘⏱️時間就得嫁喇！ 1️⃣ 設置暫時堆放區📥 2️⃣ 為暫時堆放區準備紙箱📦 3️⃣ 準備好計時器、筆記本⏱️📒 4️⃣ 規畫整理時間🗓️ 5️⃣ 由最常用的空間開始🛋️ 好多野都係起步最難，執屋都係。大家可以參考下呢啲步驟慢慢開始整理自己嘅居住環境🛏️，每日嘅少少時間，好快就可以見到成果嫁喇✅！今次就介紹住一半先，下次會再繼續講埋淨低個5個‼️ #執屋 #整理屋企 #每日執下屋 #唔使好多時間 #10分鐘就夠 #10個步驟 #其實執屋又有咩可怕喎 #簡約嘅生活環境 #簡約生活 #簡生活 #sliving 參考資料來源：健康遠見

【執屋越執越開心😂⁉️】 大家試想像下有間好污糟🌚同混亂🙈嘅屋企，台面同地下鋪滿垃圾同書📚，著過嘅衣物👕👗放到通屋都係。坐係咁樣嘅屋企入面，你會有覺得點🧐？ 再想像下自己身處喺一個簡單整潔嘅屋企🏠✨，所有野都好整齊咁排列，乾淨企理。喺呢個空間入面，你又會覺得點😁？ 上次問過大家點解會想執屋，唔同人都有唔同嘅原因去整理自己屋企。不過大家又有冇諗過，原來執屋或者整理好自己嘅居住環境🧹🪣，唔單止淨係環境乾淨企理咗，其實就連對我地自己嘅身心健康💞都有好處✅！ 有外國研究指出，一個雜亂無章嘅環境會令人感到壓力、無法集中精神或者心緒不寧😥。而身處係一個整齊乾淨、簡約嘅生活環境度，相比之下更可以令我地心境平和，亦為我地心靈健康帶黎益處💯。 唔知大家執完屋之後又會唔會有同樣嘅感覺呢❔而黎緊下次我地會為大家介紹10個步驟，幫助大家每日只要抽10分鐘🕒時間出黎整理屋企，就可以好快令屋企變得乾淨整齊。大家記住唔好錯過喇！😻 #執屋 #整理屋企 #點解要執屋 #執屋真係越執越開心 #身心健康 #每日執下屋 #唔使好多時間 #10分鐘就夠

香港地地少人多，住得細但又好鍾意囤積，有啲人甚至從中尋求心靈上嘅安穩，成日將屋企堆滿哂雜物。唔知睇緊呢個post嘅你地又有冇囤積嘅習慣呢？🧐可以囤積嘅嘢數之不盡，唔知大家屋企多數會囤積啲咩呢？🤨 其實可以斷捨離嘅物品有好多，但最常見嘅通常都係以下最多人投票嘅幾樣物品。 👚衣服 - 相信唔少女士們都非常鍾意買衫，但有好多都係買完著幾次就唔著，造成左囤積嘅問題，變左女士們最常斷捨離嘅物品。 💄化妝品 - 除左衣服，相信化妝品都係女士們打扮不可缺少嘅東西。其實有好多化妝品，即係例如唇膏、眼影或者粉底都係女士們購物時會經常買到嘅嘢，令到屋企成日都堆積住好多不必要嘅化妝品，所以又變成左最常斷捨離嘅物品。 🥘食物 - 好多人都鍾意買埋買埋好多零食返屋企得閒嗰陣食，用嚟解下悶。尤其是而家疫情底下有好多本身返office嘅人都要work from home，令到啲人都會買好多零食方便工作嗰陣解下悶。其實呢樣野形成左食物囤積嘅問題，因為有好多食物買左返嚟又食左幾次又冇食，甚至搞到過期，令到食物都變成左最常斷捨離嘅物品。 💻電子產品 - 喺而家科技發達嘅

好多人都會喺入秋前捉緊夏天嘅尾巴，去沙灘玩吓消吓暑，但大家有無留意到，近來好多沙灘都佈滿魚網、膠樽、膠袋等等嘅垃圾，水質亦都差咗好多呢？同時，社交媒體上不時流傳一啲影片，例如︰海龜嘅鼻孔被飲管塞住、鳥媽媽誤將塑膠當食物餵俾雛鳥……唔知大家睇完有咩感受？ 而影片所見到嘅只係一小部分，實際情況遠比我哋想像中嚴重，令小編感到好心痛。對於海洋生物或者海鳥，佢哋難以分辨出塑膠同食物，因而胃入面就會累積誤食嘅塑膠，導致消化系統受阻，最終導致死亡。除此之外，佢哋被塑膠纏繞嘅情況都經常發生，由於無法自行掙脫，海洋生物嘅血液循環因而受阻，並且壓迫佢哋成長，最終無法生存。 影響同破壞已經形成，現有嘅垃圾我哋只能夠一件件咁執走。再諗深一層，我哋有無需要使用咁多塑膠呢？係咪可以減少製造不必要嘅物品，減低對地球嘅負擔？ 究竟人類對其他生物造成幾大嘅傷害？相片可能引起不安：https://www.gvm.com.tw/article.html?id=42488 多謝 搞乜東東 帶小朋友認識沙灘垃圾嘅禍害：https://www.facebook.com/S.li

香港有隻 大嘥鬼 Big Waster，美國都有個Hunger Action Month，喺2008年開始，美國機構 Feeding America 就將每年9月份定為「Hunger Action Month」，希望大家更加了解飢餓問題以及提高國際間對「飢餓危機」嘅意識。 其實唔只係貧窮國家，一啲已發展國家或城市，例如美國、香港等都有飢餓問題，所以世界各地亦會透過唔同渠道響應活動，小至幫助身邊嘅鄰居，大至捐助有需要嘅地方，藉此改善飢餓情況。 點先做到「零飢餓」？平時出街食飯叫餸最好預得岩岩好，若然唔夠先再安排，盡量避免浪費食物。另外，記得檢查屋企櫥櫃啲食品有效日期、減少囤放食品！如果真係買多咗又食唔晒，可以捐贈去 FOOD-CO 惜食堂 Food Angel 等機構幫助有需要嘅人！ 想知香港邊度有接受食物捐贈嘅機構，CLICK入去睇睇：https://www.wastereduction.gov.hk/tc/quickaccess/vicinity.htm?collection_type=outlet&material_type=co

每個人都會有自身獨有嘅習慣，而根據行為心理學家Karl Lashley表示「讓一個想法、或行動變成習慣，需要 21 天的時間。」 喺21日內，不如我地都試吓做一啲小改變，為地球行多步，就好似台灣宜家提倡緊嘅「綠色生活21天」，鼓勵大家透過行動實踐，養成習慣。 暫時未有諗法？參考吓過來人嘅建議： 1. 「拔掉吧！讓待機家電好好睡一覺吧！」 2. 「今天，不要讓即棄餐具上桌」 3. 「享受拒絕濕紙巾的權利」 齊齊上去 綠色生活 21 天 睇下仲有咩任務等緊你同我挑戰，讓一個小行動養成大習慣！ #綠色生活21天 #習慣成自然 #為地球行多步 #簡生活 #和富 #wofoo #sliving #green

人靠衣裝，佛要金裝，蔬果都要打扮到靚一靚。大家有無因為蔬菜生得醜樣而嫌棄佢地，或者覺得係唔新鮮、營養欠佳？ 「歪果」就係講緊啲天然種植嘅農作物會因為唔同環境因素，出現唔同生長情況，導致呢啲醜樣蔬菜大小不一，體型參差，彎彎曲曲。但係佢地嘅營養價值、味道同正常蔬菜係無分別，只係因為生得醜樣就俾人棄置，造成食物浪費。 Click入呢度 VMO 蔬菜統營處 Vegetable Marketing Organization 同 Run 2 Tree Studio 教大家製作4 款歪果料理：https://www.facebook.com/HKVMO/photos/a.636417906459871/1376939132407741/?type=3&theater 資料來源：http://hk.on.cc/hk/bkn/cnt/news/20180620/bkn-20180620070022597-0620_00822_001.html?eventid=4028828d47d3fe7e0147fcf222432a6e&eventsection=h

除咗好多我哋所製造、肉眼所見嘅廢物外，仲有好多喺日常生活中我地無為意而積積埋埋出現嘅垃圾，嗰啲就係「污泥」。但係有無人知污泥係咩嚟？ 喺日常生活中會產生唔同類型嘅污水（例如：如廁、煮食、洗衫等），而呢啲污水經過化學處理之後，就會形成半固體殘餘物 — 污泥。香港每日排放1,500個標準游泳池既污水，經過處理之後就會製造咗1,200公噸嘅污泥。 以前唯一嘅處理方法就係直接棄置喺堆填區，宜家就可以利用焚化技術，將污泥轉化為電力俾社會使用，但係我地都要珍惜水資源，唔好浪費用水呀！ 資料來源：T PARK 源 區 #污泥 #污水 #焚化技術 #廢物轉化能源 #簡生活 #和富 #wofoo #sliving #green

OMG, TGIF呢啲英文縮寫，相信大家都知係咩，咁不如考考大家，究竟「BYOB」係咩意思呢？ BYOB – Bring Your Own Bag (自備購物袋)，呢個字大家應該都唔陌生，喺日常生活中我地都會不自覺地產生大量即用即棄垃圾，例如購物紙袋、膠袋，所以社會上一直推廣「Bring Your Own Bag」嘅減廢行動，以環保袋代替即棄紙袋、膠袋，減少製造減少浪費。 宜家嚟個升級版，「BYOB3」諗唔諗到係咩呢？就係︰ 1. Bring Your Own Bag (自備購物袋) 2. Bring Your Own Box (自備餐盒) 3. Bring Your Own Bottle (自備水樽) 每人行多一步，一齊減少使用即棄膠樽、膠袋及發泡膠盒，為地球出一分力！ 其實除咗BYOB之外，仲可以有咩配搭呢？例如BYOU – Bring Your Own Utensil (自備餐具) / BYOH – Bring Your Own Handkerchief (自備手巾) 如果係你，你又會係咩嘅BYO_? #BYOB #

大家有無聽過T Park？乜香港又有新公園？ 記唔記得以前香港有幾間垃圾焚化爐，不過喺10年前清拆左，而T Park全名係 T PARK 源 區，位於屯門，係污泥焚化爐。 大家都了解香港目前完全依賴堆填區處理廢物，但係現存嘅堆填區係未來幾年內就會飽和。原本棄罝喺堆填區嘅污泥會送到T Park，嗰度就會利用焚化技術處理污泥，過程當中產生嘅熱能轉化為電力，可以供電俾T Park自用之外，剩餘嘅電力足夠為4,000個家庭供電。 唔好以為T Park只係一間污泥處理廠，裡面都有休閒同教育設施，仲會定期舉行唔同嘅工作坊，係一個可以學習同體驗香港綠色文化嘅地方。 想知道更多T.PARK [源 · 區] 資料，可以CLICK入呢個網址睇睇: https://www.tpark.hk/tc/ #tpark #源區 #簡生活 #和富 #wofoo #sliving #green

「水足印」係一個用水指標，等我哋可以知道生產食物嘅過程當中，直接同間接用咗幾多淡水。 例如，當我哋享用一塊7安士牛扒，原來已經製造咗3000公升嘅水足印： 1. 牛飲水大約120公升 2. 牛食嘅飼料，需要大約2800公升水去種植 3. 清洗牛或者牛欄，需要大約100公升嘅水 所有食物背後，都會耗用唔同程度嘅淡水。既然水係一樣咁珍貴嘅資源，我哋更加唔好浪費每一樣食物，亦都可以揀多啲水足印冇咁高嘅食物（蔬果嘅水足印相比肉類為低）。 大家一齊「惜」食同「識」食，齊齊實踐簡生活啦！ #水足印 #珍惜水資源 #簡生活 #和富 #wofoo #sliving

屋企有舊電器，大家會選擇棄置定係賣俾收賣佬，咁會唔會有第三個選項？ 政府喺嚟緊嘅星期三（8月1號）實施「四電一腦」計劃，將來我地買新電器嗰陣，銷售商必須安排免費上門回收服務（相同類別嘅舊電器），確保舊電器得到妥善回收、循環再造、轉廢為材。 咁「四電一腦」包括啲咩呢？ 空調機、雪櫃、洗衣機、電視機、電腦、打印機、掃描器、顯示器 大家要留意︰ 1. 「循環再造徵費」係由供應商直接俾環保署（但未來嘅電器售價有機會因為成本上升而貴咗） 2. 需要支付舊電器嘅拆卸、工程、上落樓梯嘅費用（例如將冷氣機喺窗外拆走） 3. 可以要求銷售商安排同一日送貨同收走舊件，而無須額外付費 4. 最重要都係喺買新電器之前問清楚銷售商 大家仲有問題想問？睇吓呢度幫唔幫到你啦… 1. 「四電一腦」徵費計劃Ｑ＆Ａhttp://gia.info.gov.hk/general/201807/27/P2018072700440_288924_1_1532681261277.pdf 2. 「四電一腦」官方網站 https://weee.gov.hk/index.php #四電一

[紙包飲品盒拎去回收前要做啲乜？] 乜紙包飲品盒都可以回收？答案係「可以」，不過記住唔係放落一般嘅三色回收筒架！外國不少國家都有相關措施，香港有團體都開始推廣及負責回收，將紙包飲品盒嘅紙、膠、鋁加工處理，成為燃料或者其他有用物品嘅原材料，避免浪費資源。 拎去回收前就有幾個簡單嘅步驟要麻煩大家幫幫手， 1. 剪開攤平 2. 移除膠蓋 3. 清洗 + 晾乾 4. 分類：牛奶盒（裡面白色）& 鋁箔盒（裡面銀色） 5. 儲夠一定嘅數量再拎去回收站，乾淨又慳位 宜家知道咗紙包飲品盒有得回收，快啲留意吓 回收俠 － 紙包飲品盒回收 Drink Carton Recycling，睇吓身邊邊度有得回收紙包飲品盒，齊齊減少製造垃圾啦！ #回收 #紙包飲品盒 #和富 #簡生活 #wofoo #sliving

正值一年一度嘅書展，都會吸引好多市民參與，仲一袋二袋新書咁拎返屋企。不過，大家有冇諗過將手上嘅舊書捐出，同其他愛書之人分享呢？ 「獨樂樂不如眾樂樂」，將睇書嘅喜悅同更多朋友分享之餘，亦令到書本唔會被當做垃圾送去堆填區。好似救世軍咁不少機構，會有大大小小嘅舊書回收行動，或者二手書慈善義賣，俾大家可以清理家居之餘，兼可以做善事添。 大家不妨留意下環保署減廢網站： https://www.wastereduction.gov.hk/…/quickacce…/vicinity.htm… 就可以知道各區嘅回收地點，齊齊將舊書同其它物料回收、捐贈啦！ #書展 #捐書 #二手書 #慈善義賣 #和富 #簡生活 #wofoo #sliving

「三紙兩膠」到底係咩嚟？而放入回收筒前應該點處理呢？快啲睇下以下嘅資料啦！💡💡 「三紙」： - 可回收紙皮、報紙書刊、辦公室用紙 - 要搣走膠紙、膠質頁面、釘書釘、萬字夾等；唔可以濕水 「兩膠」： - 可回收飲品膠樽（1號膠PET）、個人護理用品廢膠樽（2號膠HDPE） - 要搣走招紙、樽蓋；要洗乾淨 而好多市民會誤會，以為「三紙兩膠」以外嘅其他物料就可以掉入垃圾筒……事實並非如此！例如，其他編號嘅塑膠一樣可以從其他渠道回收。不妨留意屋企身邊有冇「綠在區區」，或者其他民間回收站，都可以幫到你！🌳🌳 註：一項物料是否1號膠、2號膠，可留意塑膠分類標誌 #三紙兩膠 #回收筒 #綠在區區 #和富 #簡生活 #wofoo #sliving

三色回收筒「藍廢紙、黃鋁罐、啡膠樽」大家聽就聽得多，但你又做係咪真係正確分類呢？ 根據和富今年6月嘅調查，原來香港嘅小四至小六學生，有21.0%唔識得點樣正確使用三色回收筒， 更加會習慣隨手將立雜嘢，亂咁放入回收筒……絕大部分紙包飲品盒、廁紙、超市收據、發泡膠盒同膠袋，而其實以上嘅物品係唔可以放入回收筒㗎！ 唔好以為有個「紙」字或者「膠」字嘅物品就可以放入回收筒呀，因為咁樣只會增加回收過程嘅難度。要正確使用回收筒，下次教吓大家咩叫「三紙兩膠」啦！💡💡 資料來源：和富社會企業 #三紙兩膠 #回收筒 #和富 #簡生活 #wofoo #sliving

[塑膠飲管以外嘅選擇] 據聯合國嘅一項全球調查表示，塑膠飲管係其中一種最常見嘅塑膠垃圾，而塑膠垃圾當中有79％會堆積喺垃圾堆填區，或者流入自然環境，對大自然，特別係海洋生物嘅生存環境同生命造成嚴重嘅傷害，而最終亦會影響返人類嘅健康。 喺香港，有多間本地餐廳、學校及大型連鎖餐飲集團及學校推出「無飲管運動」，鼓勵減用即棄塑膠飲管。而台灣人就提出咗唔少有創意嘅建議，網民除咗提出用不鏽鋼飲管同玻璃飲管代替即棄塑膠之外，仲有長通粉、蛋捲等等，又環保又食得，都幾值得參考㗎！ 資料來源： 1. https://www.opcf.org.hk/tc/nostrawcampaign 2. http://hd.stheadline.com/news/columns/0/20180621/678050/ #走飲管 #即棄飲管 #和富 #簡生活 #wofoo #sliving

喺香港，好多人都係無肉不歡。牛津大學研究發現，肉類及奶製品佔用83%耕地，產生多達60%農業溫室氣體，但人類只需要由肉類及奶製品提供18%卡路里及37%蛋白質。亦即係話，過度食肉不單會增加因畜牧所產生的溫室氣體、造成氣候問題，更會加重身體負擔。😨😨 社會上有好多支持素食嘅朋友，例如 Green Monday、 Club O 綠色生活，都鼓勵香港人多嘗試食素。假如全香港人都抽出星期一只係食素，一年就可以成功減少150萬噸碳排放，更加有效提高健康水平。素食與否當然係我哋個人嘅選擇，但一齊減少進食肉類及奶製品，就可以保護環境、緩減氣候問題。 http://science.sciencemag.org/content/360/6392/987 #簡生活 #和富 #wofoo #sliving #green #livegreen #greenmonday #lessmeatlessheat #savetheplanet