斷捨離:點止執野咁簡單

【斷捨離 點止執野咁簡單❓】斷捨離呢樣野大家就聽得多,但大家有冇諗過實行嗰陣當中嘅意義係咩呢?除咗可以扔咗啲我地唔想要或者唔用嘅嘢,其實佢可以令到我地有更好嘅個人管理,甚至乎令我地學會珍惜同放低執著。😆


🧠個人管理 - 斷捨離可以令到我地有更好嘅個人管理,因為我地可以從中學習點樣收拾好自己嘅個人物品。我地可以透過丟掉一啲唔需要嘅物品,學習管理好個人物品,以後都會將佢地收納得整整齊齊。


🤲🏻學習珍惜 - 斷捨離可以令到我地學識珍惜同愛護東西。喺「丟」嘅過程之中,有啲物品會因為愛用而被留低,可謂十分重要。正正因為佢地珍貴,所以我地都會學識珍惜呢啲物品。


😔放下執著 - 斷捨離可以令到我地放棄對物質或者以前嘅執著。我地喺「丟」嘅過程中會明白到有啲嘢根本唔需要買,因而會逐漸遠離對物質嘅誘惑同追求。此外,我地可以透過丟掉一啲我地對以前懷念或者放唔低嘅東西,放下對往事嘅執著。


✅減少浪費 - 斷捨離可以減少浪費,因為我地能夠掌握到物品嘅數量。喺「丟」嘅過程之中,屋企嘅物品自然會變少,就能令我地更加容易拿捏到物品嘅數量,唔會又買左啲一模一樣嘅嘢返屋企啦。


唔知大家對斷捨離呢樣野又有咩睇法呢?大家都可以喺下面分享喎!😊斷捨離嘅意義其實有好多,但大家有冇深入咁了解過呢?希望大家喺丟掉一啲唔需要嘅嘢之前,可以諗一諗點解要咁做,而唔係盲目咁追隨呢種潮流!🤓


#簡生活 #簡約生活 #生活態度 #斷捨離




15 次查看0 則留言

最新文章

查看全部