香港人丟棄得最多嘅「垃圾」係廚餘，佔都市固體廢物量三分一，數量多到幾年內可以填滿堆填區。😱
雖然近年都多咗好多廚餘處理中心/回收廚餘計劃，不過預防勝於治療，最好嘅梗係源頭減廢啦！😎
係屋企食飯的話
1. 食幾多就煮幾多，按番大家正常份量，唔需要每日都食到過節咁嘛~
2. 剩咗嘅飯菜可以考慮下第二日帶飯番學番工/留番第二日晚飯🍱
3. 飯後盤點一下，睇下食剩幾多再慢慢調節好適合份量📝
4. 重點！！！食飯前唔好偷食零食🍫🍬
出街食飯的話
1. 而家好多餐廳都有少飯嘅優惠，如果本身食量都細嘅不如就叫定少飯啦🍚
2. 帶埋個飯盒出街，食剩嘅打包一下又可以變下一餐啦
3. 小編有時見到餐牌太吸引🤤都會眼闊肚窄叫多咗，不過而家有進步啦，諗清楚自己想食咩先叫，大大改善咗食剩嘅習慣啦👍🏻