當香港沒有堆填區

更新日期:3月 20


香港處理棄置廢物一直著重依賴堆填區,但有無諗過如果有一日佢消失咗,你會點算? 講笑姐,當然香港唔會無堆填區,但係總有一日會飽和。 環境局發表《香港資源循環藍圖》計劃承諾喺2022年或之前,將都市固體廢物人均棄置量減至40%,並增加回收率至55%。計劃推行至今已經有五年,但反觀垃圾堆填區棄置量不跌反升,當中廚餘、塑料同紙料佔比例最多,其實背後跟人口急增同生產模式有重大關係,加上公眾對廢物分類意識比較薄弱,令成效不斷倒退。 要改善廢物問題首先由源頭減廢做起!介紹番,政府推行咗一段時間嘅「綠在區區」計劃,協助18個社區收集各類回收物料,亦定期舉行減廢惜物社區活動,將「乾淨回收」概念帶入社區,提升回收物料嘅價值,將環保文化融入生活當中☺️ 生活上仲有好多減廢小貼士,你又有咩減廢心得可以分享?💭💭 資料來源: 「綠在區區」 http://www.wastereduction.gov.hk/tc/community/cgs_intro.htm 《香港資源循環藍圖2013-2022》 http://www.enb.gov.hk/tc/files/WastePlan-C.pdf

#源頭減廢 #可持續發展 #綠在區區 #簡生活 #和富 #landfill #community #greenstation #sliving

簡生活 2020 © 和富社會企業,為政府認可慈善團體

3651-5271 | wcsn@wse.hk |

  • 聯絡我們
  • 簡。生活Facebook

|