二手家品店

大家有冇留意過自己屋企樓下有舊衣回收箱呢？千祈唔好以為佢哋係垃圾桶呀！其實呢個回收箱係由政府推動嘅社區參與計劃，目的係鼓勵市民捐贈舊衣，支持環保同用作慈善用途。 救世軍作為其中一個營運機構，佢哋會將衣服同物資分類，再轉贈畀有需要嘅人～佢哋更喺港澳兩地設立家品店，回收家品經銷售後所得嘅收益會用喺不同服務，實在係一舉兩得。 不過咁有意義嘅服務，都需要得到你哋嘅支持同協助，捐贈嘅物品要保持完整、衛生，咁先令機構分類物資都可以事半功倍。

#舊衣回收 #二手家品