初七人日可以拆利是喇！其實幾時先係拆利是嘅好日子呢？有人話初七就可以拆，因為係人人生日嘅日子廳該開開心心咁過喎！又有人話要過咗正月十五先可以拆，因為過咗當日就唔會派利是，儲埋一次過開，會好意頭啲咁話。
不過，不論幾時拆，拆完利是之後啲利是封唔好順手就掉呀！據指，香港人每年大約會用3.2億個利是封，相當於砍伐1.63萬棵樹㗎，如果掉咗啲只用過一次又完整嘅利是封，係幾咁浪費呢！
正因為咁，近年有好多組織同商場都推行利是封回收計劃，佢地會將完整嘅利是封收集好，到新一年又會派發俾市民重用，成為新生利是封！新一年用新生利是封，既實用又環保！
拆完利是袋好啲錢，就記住留意下你哋身邊有無利是封回收箱喇！