[新一年，你嘅衣櫃仲有幾多件衫？]
過去嘅新年大家有冇買到新衫呢？嚟緊暖噃，商店又準備推出一系列嘅春裝喇！當大家熱衷每季買新衫嘅時候，外國就有一個叫做333計劃 (Project 333) 嘅「簡約生活」活動。
「333」指嘅係，3個月中只可以著33件衣物。有參加者體會過後分享小訣竅，就係以易配搭嘅衣物 (上衣、褲子、裙子和連身裝) 為基礎，配搭外套同毛衣等配件，輕易配襯出適合唔同場合嘅造型。
喺新一年實踐「簡．生活」時，大家不妨參考下333計劃，嘗試問自己「衣櫃有幾多件衫?」「一個季節會著到幾多件衫?」，藉此思考一下衣物同自身嘅關係，探索一下「簡約生活」嘅可能性！