[紙包飲品盒拎去回收前要做啲乜？]
乜紙包飲品盒都可以回收？答案係「可以」，不過記住唔係放落一般嘅三色回收筒架！外國不少國家都有相關措施，香港有團體都開始推廣及負責回收，將紙包飲品盒嘅紙、膠、鋁加工處理，成為燃料或者其他有用物品嘅原材料，避免浪費資源。
拎去回收前就有幾個簡單嘅步驟要麻煩大家幫幫手， 1. 剪開攤平 2. 移除膠蓋 3. 清洗 + 晾乾 4. 分類：牛奶盒（裡面白色）& 鋁箔盒（裡面銀色） 5. 儲夠一定嘅數量再拎去回收站，乾淨又慳位
宜家知道咗紙包飲品盒有得回收，快啲留意吓 回收俠 － 紙包飲品盒回收 Drink Carton Recycling，睇吓身邊邊度有得回收紙包飲品盒，齊齊減少製造垃圾啦！