小編想同大家分享一啲平時唔多見但卻圍繞住我哋嘅瀕危物種~
上月香港係西貢水域發現海龜屍體，係香港罕見嘅棱皮龜，亦係世上體型最大嘅海龜品種。🐢佢之所以咁大份係因為佢每日都會食大量水母，但由於視力唔好，係海水中往往分辨唔到漂浮物和水母，成日會不小心將塑膠製品食落肚，引發腸道阻塞而死。
好多棱皮龜都因人類製造出嘅垃圾而死，造成數量逐年大減，亦屬國際自然保護聯盟瀕危物種紅色名錄下嘅「易危物種」。🆘
其實唔止棱皮龜，有更多海洋生物都一樣飽受海洋垃圾問題影響！如果再唔好好保護海洋，我哋將會再睇唔到咁多咁靚嘅生物😢
所以大家除咗唔好亂掉垃圾落海外，都可以試下「絕膠」生活。自備飲管、餐盒、餐具等等，由簡單做起再養成習慣，相信大家可以做到的！✅
