牛油果作為superfood🥑，食用方法多變，相信大家都唔陌生。大家食個陣係咪順手就掉走果核呢? 其實果核都大有用途架✌🏻 1. 牛油果核茶🍵 牛油果核係一種較硬又唔可以直接食嘅種子，但通過徹底水煮做茶，可以好容易地獲取其中嘅水溶性膳食纖維，為身體排毒。不過記得任何野都係多食無益，適量就可。
2. 種牛油果🌱 以三支牙籤平均插入果核表皮位置固定果核，然後搵一個玻璃杯把果核放上杯邊，加入清潔嘅水，一半果核佔水即可。接著每天更換乾淨的水，二至三星期之後果核底部便會生長出根，此時便可以將長了根的種子移植到土壤之中。 種植需時較長，但過程有趣，大家一試無防
3. 天然植物染色劑🎨 如果要煮牛油果核茶就會見到煮出嚟嘅茶係淡粉紅色的，如果你將白色衫同牛油果核連果皮一齊煮，煮完再浸1個鐘，衣服就可以染上淡淡粉紅色啦~ 4. 題外話 其實有墨西哥公司利用牛油果果核物質，製作出生物餐具，外表就係好似用開嘅塑膠餐具。當中牛油果核物質自行降解的速度比塑膠快，可以在 240 天内完全分解，使用後對環境的影響更少。✅ 大家下次食完牛油果就同屋企人一齊試下整番杯茶又或者係嚟個染色工作坊啦~ #簡生活
